شعــر مضحك جــدا
في الليلة ديك
القصة ذاتا بقت عليك
يا عبدو وأدوك الشريط
يوم قلنا ليك
أنضم معاها وكلما
لكن أبيت تسمع كلامنا
بقيت لميض
وقلت أحسن أكون تقيل
أنا ما جميل
باكر بعد باكر بكهربا ليك
بنظرة كتيل
وبقيت تقيل لامن سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران
وقعدت يا زينة الرجال
كهربجي قال
رفعو الستار
والبت تجي وتمشي وتلف
مرات تقيف
ومعاها كان زولاً حريف
والوقفة كان وقفة ولف
صاحبنا بالأحساس عرف
وسألت والناس كلموك
ملعون أبوك دنيا أم قدد
بقت البقت
ووقعت في شارع الزلط
تبكي وتجعّر والعيون اتورمت
يد القميص..ضهر القميص..كم القميص
حتى الفنيلة اتشرطت
يا عبدو عيب
الدنيا حر
والموية بتسخن عليك
تلاتة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوم السبت وعين الحسود
ومقارنات بين الجمال والجهل وسوء الاختيار
قال شينة..قلنا كلام صحيـــــــــح
وخطيبا زاتو ولد قبيـــــــــح
بس ياخي نوم الواطة ليل
دايرين ننوم
قام تاني جاب سيرة البحر
قام تااااااااااني جاب سيرة البحر
@@@@@@@@@@@@@@@@@@
باص البنات
الليلة شوف باص البنات
عجلاتو كيف متحننات
الكي قبل والكيس حرن
يمشن تقول متوحلات
لمباتو خلقه مكحلاتمن غير دلال
كنباتو من داخل عدااااااااال
شايلات بلومات الكلالي
الحبهم في عروقنا سال
بتزينو من أزكى العطور
عادمو الكبير بطلق بخور
سواقو ديمة صباحو نور
ومساهو نور
ورفارفو من قدام خفاف
مضروبة بي أحمر شفاه
وأنا بس بخاف
وخوفي الشديد لايدك خفاف
دايرين وصولك بالسلامة
وتجينا يا برج الحمام
ونتلمه في الكافتيريا كووووم
ويتلاقو أحباباً قدام
ونعمل تمام
الكل حضور مافيش غياب
كل التياب اتجمعوا
تسمع ضحك تسمع سلام
وتحت التحت تسمع كلام
آآآآه يا حريم نوعكم عجيب
مرات كلامكم لينا طيب
لي روحنا انتو بترفعوا
مرات علينا تزرزروا وتتأندلوا وتتدلعوا
ولمن تحين ساعة الدفع
نحلف يمين ما تدفعوا
ونفضل نجيب الشاي وباللبن الحليب
وكمان نجيب وكمان نجيب
ليمون ملخبط في القريت وتبلعوا
وتقدو جيبنا ونرقعو
وتقولوا ديرين ترجعوا
من نوعنا خالص تقنعوا
تاخدونا طرحة بدون ايجار
تاخدونا وينفك الحصار
وتروحو غير ما تودعو
راكبين علي باص البنات
خطراتو باقة حلا وحمار
يا ناس خلاص أنا قلبي فار
نطرح بلاش من دون ايجار
و جوفنا من باص البنات
جوه الخشم فتحت غبار
نطرح بلاش لستكنا طار
نتعب نلقطا في الظلام
تلقوها ميتات بالنهار يا ناس نزار
تلقوها ميتات بالنهار يا ناس نزار
||
